Azərbaycanda yeni təcili yardım binası tikiləcək

Naxçıvan Muxtar Respublikasının Təcili Tibbi Yardım Xidməti publik hüquqi şəxsi üçün yeni inzibati inşa olunacaq.

"Operativ Media" İqtisadiyyat.az-a istinadən xəbər verir ki, bina Naxçıvan şəhərində yerləşəcək.

Təcili Tibbi Yardım Xidmətinin konsept layihəsi bir mərtəbəsi zirzəmi və iki torpaq üstü mərtəbəsi olmaqla 3 mərtəbədən ibarətdir. Binanin oturduğu sahə 2885 m2-dir. Ümumi layihələndirilən sahə 8562 m2-dir.

Artıq inşa olunacaq yeni bina üçün layihə-smeta sənədlərinin hazırlanması barədə tapşırıqlar verilib.

Qeyd edək ki, Naxçıvanda Təcili Tibbi Yardım Xidməti publik hüquqi şəxsi bu il yaradılıb. Qurum Naxçıvan şəhər Təcili Tibbi Yardım Mərkəzinin bazasında formalaşdırılıb.