Vüsal Ağayev: "Sənayə və Dağ mədən nəzarəti sahəsində kadr məsələsi çox çətin məsələdir"

Sənayə və Dağ mədən nəzarəti sahəsi xeyli yaşı olan bir sahədir.  Bu sahə müxtəlif adlar altında SSRİ dönəmində də fəaliyyət göstərib. Hazırda da bu sahə fəaliyyətini o dövrdə qazanılmış təcrübələr əsasında davam etdirir. Təbbi ki, bu kifayət deyil. Biz müasir dövrün eyni zamanda beynəlxalq təcrübələrin fəlaliyyət göstərdiyimiz sahədə tətbiq olunmasını təşviq edirik. Ən yaxşı beynəlxalq təcrübələri ölkəmizə gətirməyə çalışırıq.

"Operativ Media" xəbər verir ki, bunu bu gün Bakıda keçirilən “Sənaye Təhlükəsizliyi Zirvəsi”nin "Sıfıra doğru" panelində çıxış edən Fövqaladə Hallar Nazirliyi Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyinin rəisi Vüsal Ağayev bildirib.

O qeyd edib ki, kadr məsələsi sırf bu sahədə çox çətin məsələdir:

"Kadr bankarı olan təşkilatlara müraciət edərək bu cür kadrlarla işbirliyi etmək demək olar ki, mümkünsüzdür. Amma, əlbəttə ki, həll yolu var. Biz bu sahədə fəaliyyət göstərən tədris müəssiələri ilə əlaqə saxlamışıq və onlarla müqavilələr bağlamışıq. Hazırda bizim 30-a yaxın təcrübəçi tələbəmiz var".