Elşad Nuriyev: Gələcəkdə azad olunan ərazilərdə sənayedə təhlükəsizlik süni intellektlə təmin olunacaq

İqtisadiyyat Nazirliyi yanında İqtisadi Zonaların İnkişafı Agentliyi hazırda 6 sənaye parkı və 4 sənaye məhəlləsini idarə edir və eyni zamanda sənaye parkları sənaye zonlarının yaradılması ilə bağlı ümumi normativ hüquqi aktların yaradılmas istiqamətində fəaliyyət göstərir.

"Operativ Media" xəbər verir ki, bunu bu gün Bakıda keçirilən “Sənaye Təhlükəsizliyi Zirvəsi”nin "Sıfıra doğru" panelində çıxış edən İqtisadi Zonalarln İnkişafı Agentliyi, İdarə Heyətinin sədri Elşad Nuriyev bildirib:

"Hazırda bizim idarəçiliyimizdə "Sumqayıt Kimya Sənaye Parkı" , "Pirallahı Sənaye Parkı" , "Mingəçevir Sənaye Parkı" , "Qaradağ Sənaye Parkı"  və eyni zamanda da işğaldan azad olumuş ərazilərdə iki sənaye parkı fəaliyyət göstərir. Bunlar "Ağdam Sənaye Parkı" və "Araz Vadisi İqtisadi Zonası" sənaye parklarıdır".

O, qeyd edib ki, hər bir sənaye parkında əməyin mühafizəsi və eyni zamanda sənayedə təhlükəsizliyin təmin olunması bir nömrəli prioritetdir:

"İşğaldan azad olunan ərazilərimiz ümumilikdə yaşıl zona elan olunub. Və bizim də sənaye parklarımız ilk növbədə bütün müəyyən olunmuş prinsiplər və tələblərə uyğun fəaliyyət göstərməyi öz qarşısına məqsəd qoyub. Eyni zamanda biz rezidentlərimizlə mütəmadi olaraq əlaqədə oluruq və bilirik ki, onların da bir çoxu təhlükəsizliyin təmin olunması istiqamətində ilk növbədə innonativ texnologiyaların o cümlədən düşünürük ki, yaxın bir zamanda suni intellekt vasitələrindən istifadə etməklə insan müdaxiləsinin minimallaşdırılması və texnologiyalara üstünlük verərək təhlükəsizliyin təmin olunmasına xüsusi diqqət yetiriləcək".

"Bizim sənaye parklarımızda bu günə qədər hər hansı ciddi fəsadlar olmayıb. Və bu da birinci növbədə bizim rezidentlərimizin və eyni zamanda Agentliyin əməkdaşlarınln məsələyə çox ciddi yanaşması ilə bağlıdır", - deyə o, qeyd edib.