Azərbaycanda fəaliyyət göstərən ümumtəhsil müəssisələrində dezinfeksiya işlərinin aparılmasına başlanılıb. 

"Operativ Media" xəbər verir ki, bununla bağlı elm və təhsil naziri Emin Əmrullayev tapşırıq verib. 

Tapşırığa əsasən, şagirdlər arasında qızılca xəstəliyinin aşkar olunması səbəbindən müvafiq qabaqlayıcı tədbirlərin həyata keçirilməsi məqsədilə təhsil müəssisələrində dezinfeksiya işlərinin aparılmasına start verilib. 

Artıq paytaxt və regionlar üzrə dezinfeksiya işləri davam etdirilir. 

Xatırladaq ki, ölkədə son günlər məktəblilər arasında qızılca xəstəliyinə yoluxma halları intensivləşib. Qızılcaya görə Bakıda 195 nömrəli tam orta məktəbin ibtidai siniflərində distant tədrisə keçilib.