Sulutəpədə sərxoş vəziyyətdə nəqliyyat vasitəsi idarə edən şəxs həbs olunub

Sərxoş vəziyyətdə və sürücülük hüquq olmadan nəqliyyat vasitəsi idarə edən şəxs inzibati qaydada həbs olunub
 
DİN mətbuat xidmətindən "Operativ Media"ya verilən məlumata görə, dekabrın 18-də saat 23 radələrində Abşeron rayonunun Sulutəpə qəsəbəsi ərazisində “VAZ-21061” markalı avtomobil Baş Dövlət Yol Polisi İdarəsinin əməkdasları tərəfindən nəzarət qaydasında saxlanılıb.

Sürücü Ağsu rayon sakini Qafqaz İmaməliyevin sərxoş vəziyyətdə və sürücülük hüquq olmadan nəqliyyat vasitəsini idarə etməsi müəyyən olunduğundan barəsində protokol tərtib edilib.

Məhkəmənin qərarı ilə o, 5 gün müddətinə inzibati qaydada həbs olunub.