Bakı hava limanı bayram günlərində 160 minə yaxın sərnişinə xidmət göstərib

Bakı hava limanı bayram günlərində 160 minə yaxın sərnişinə xidmət göstərib.

"Operativ Media" xəbər verir ki, 2022-2023 illərin müvafiq dövründə bu rəqəm 118 min sərnişin təşkil edib. 29 dekabr 2023-cü il - 7 yanvar 2024-cü il tarixləri arasında hava limanının bütün xidmətləri gücləndirilmiş və fasiləsiz iş rejimini təmin edib. Bunun nəticəsində də, məsuliyyət zonasında hər hansı gecikmələrə yol verilməyib.

Ümumilikdə bu günlərdə 35 aviaşirkət 72 istiqamətə uçuşlar yerinə yetirib. Ən populyar istiqamətlər İstanbul, Naxçıvan, Moskva, Tbilisi, Dubay, Əbu-Dabi, Şarja, Ankara, Sankt-Peterburq və Doha olub.