ARDNF “Şahdəniz” üzrə gəlirləri açıqlayıb

Azərbaycan Respublikası Dövlət Neft Fondu (ARDNF) 2023-cü ilin əvvəlindən cari il yanvarın 1-i tarixinədək “Şahdəniz” yatağından (qaz və kondensat) 1 milyard 308 milyon dollar gəlir əldə edib.

"Operativ Media" Azərbaycan Respublikası Dövlət Neft Fondunun yaydığı məlumata istinadla xəbər verir ki, “Şahdəniz” yatağı üzrə gəlirlər 9,4 faiz azalıb.

O cümlədən “Şahdəniz” yatağı üzrə kondensatın satışından əldə olunan gəlirlər hesabat dövründə 324,396 milyon dollar təşkil edib, bu da əvvəlki il ilə müqayisədə 1,3 faizlik azalma deməkdir.