2023-cü ildə dəmir yolu ilə 7 milyondan çox sərnişin daşınıb.

“Operativ Media” xəbər verir ki, bunu “Azərbaycan Dəmir Yolları” QSC-nin Sərnişindaşıma departamentinin icraçı direktoru Azər Fərəcov deyib.

O bildirib ki, dəmir yolları ilə ölkə daxilində daşınan sərnişinlərin sayı 2022-ci ildə 5,2 milyon olub: “2023-cü ildə təqribən 6 milyon 800 min nəfər sərnişinin daşınması proqnozlaşdırılırdı. Lakin aparılan tədbirlər nəticəsində 2023-cü il ərzində 7 milyon 100 min nəfər sərnişin daşınıb”.