"SABİNA" parfümeriya və kosmetika mağazaları şəbəkəsi ləğv olunub

SABİNA parfümeriya və kosmetika mağazalarının keçmiş idarəçisi - "Sabina Perfumery&Cosmetics" MMC ləğv olunduğunu elan edib.

"Operativ Media" xəbər verir ki, bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzeti məlumat yayıb.

Məlumata görə, kreditorlar iki ay ərzində tələblərini Bakı şəhəri, Səbail rayonu, Əziz Əliyev küçəsi, ev 11 ünvanına bildirə bilərlər.

Xatırladaq ki, SABİNA mağazaları bir neçə il bundan əvvəl "Ador Kompani" MMC-nin nəzarətinə keçib.