Ötən il MDSS üzrə daxilolmalarda 413,2 mln manat artım qeydə alınıb

2023-cü il ərzində məcburi dövlət sosial sığorta haqları üzrə daxilolmalarda proqnoza nisbətdə 413,2 mln. manat və ya 8,6% artım qeydə alınıb.

Bu barədə "Operativ Media"ya Dövlət Sosial Müdafiə Fondundan xəbər verilib.

Büdcə təşkilatları üzrə daxilolma 2022-ci ilin müvafiq dövrü ilə müqayisədə 133,4 mln. manat və ya 8,0%, qeyri-büdcə təşkilatları üzrə isə 480,0 mln. manat və ya 16,5% artımla olub.