Daxili İşlər Nazirliyi (DİN) rəqəmsal mediadan istifadə edərkən kibercinayətkarlıqla üzləşməmək üçün diqqət edilməli məqamlarla bağlı məlumat yayıb.

"Operativ Media" xəbər verir ki, məlumatda deyilir:

"Doğruluğuna əmin olmadığınız postlara və ya məzmuna əsaslanaraq hərəkət etməyin. Təsdiq edə bilmədiyiniz (dəqiqliyinə əmin olmadığınız) məlumatı paylaşmaqla və ya ötürməklə yalan informasiyanın yayılmasına səbəb olmayın. Dəqiq məlumat əldə etmək üçün rəsmi və səlahiyyətli mənbələri izləyin. Rəsmi təşkilatları təqlid edə biləcək mesajlar, axtarışlar və ya məzmunlara qarşı diqqətli olun. Şübhəli hallarda cihazınızda, hesablarınızda, bankçılıqda və s. istifadə etdiyiniz şifrələri (parolları) dəyişdirin".