Oğurluqda şübhəli bilindiyinə görə saxlanılan şəxsdən narkotik və silah götürülüb

DİN mətbuat xidmətindən "Operativ Media"ya verilən məlumata görə, Suraxanı RPİ 33-cü Polis Bölməsi əməkdaşlarının keçirdikləri tədbirlərlə Yeni Günəşli qəsəbəsi ərazisində yerləşən bazarda bir nəfərin 200 manat dəyərində məhsulunu oğurlamaqda şübhəli bilinən Bakı şəhər sakini Dünyaəli Pirverdiyev müəyyən edilərək  saxlanılıb. 

Ondan narkotik vasitə olan heroin, həmçinin lüləsi və qundağı kəsilmiş ov tüfəngi də aşkar olunaraq götürülüb.

Araşdırma aparılır.