DSK sədri: “18 yaşı seçki günü tamamlanan şəxslərin də səsvermə hüququ tanınır”

“116 saylı Qəbələ seçki dairəsinin bütün məntəqələrində seçkiyə hazırlıq işləri yekunlaşıb, hazırda seçki bülletenlərinin yerli məntəqələrə çatdırılması prosesinə başlanılıb”. 

“Operativ Media” xəbər verir ki, bu barədə secki-2024.az-a açıqlama verən 116 saylı Qəbələ dairə seçki komissiyasının (DSK) sədri Zülfüqar Cəfərov bildirib ki, dairə üzrə 59 məntəqədə 53 733 nəfərin adı seçici siyahılarına daxil edilib. DSK sədri, həmçinin, seçici elektoratının müxtəlif yaş kateqoriyaları barədə də məlumat verib:

“Dairə üzrə seçkilərdə ilk dəfə iştirak edəcək insanların arasında ən gənc seçimiz fevralın 7-də 18 yaşı tamam olacaq Əsədov Ramil Tərlan oğludur. 18 yaşı seçki günü tamamlanan şəxslərin səsvermə hüququ təmin edilir. O, doğulduğu Soltanoba kəndindəki seçki məntəqəsində səs verəcək. Bundan başqa, bu günədək 444 vətəndaşa qeydiyyatdan çıxma vəsiqəsi verilib”.

116 saylı seçki dairəsinin 9 məntəqəsində veb-kameraların quraşdırıldığını deyən sədr 785 müşahidəçini qeydiyyata aldıqlarını, beynəlxalq təşkilatlardan bir nümayəndənin müxtəlif məntəqələrdə sərbəst şəkildə müşahidə apardığını da qeyd edib.