Əziz Əliyev küçəsində velosiped yollarının nişanlanması işləri aparılıb

Ərazidə mikromobillik imkanlarının artırılması məqsədilə Əziz Əliyev küçəsində velosiped yollarının təşkili ilə bağlı nişanlanma işləri aparılıb.

"Operativ Media" Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə istinadla xəbər verir ki, işlər Bakıda mobilliyin transformasiyası proqramının icrası çərçivəsində paytaxtın mərkəzi hissəsi – İçərişəhər və Əziz Əliyev küçəsi ilə bağlı təklif edilən layihənin icrası çərçivəsində görülüb.