İstanbulda Türkiyə, Azərbaycan və Bolqarıstan energetika nazirlərinin görüşü olub

"İstanbulda Türkiyənin energetika və təbii sərvətlər naziri Alparslan Bayraktar və Bolqarıstanın energetika naziri Vladimir Malinovun iştirakı ilə qaz sahəsində üçtərəfli əməkdaşlığın genişləndirilməsi perspektivlərini müzakirə etdik".
 

"Operativ Media" xəbər verir ki, bunu energetika naziri Pərviz Şahbazov "X"də bildirib.

"Bu ilin ilk 9 ayında Azərbaycandan Bolqarıstana və oradan digər Avropa ölkələrinə nəql məqsədilə 1,4 milyard kubmetrdən artıq qaz ixrac edilib", - nazir qeyd edib.