Spor Toto Super Liqa komandalarından olan "Adana Dəmirspor" yarımmüdafiəçi Gökhan Töre ilə müqaviləyə qarşılıqlı razılaşma əsasında xitam verildiyini açıqlayıb.

"Operativ Media" xəbər verir ki, klubun sosial media hesabından edilən açıqlamada "Oyunçumuz Gökhan Törenin klubumuzla müqaviləsi qarşılıqlı razılaşma əsasında ləğv edilib. Ona klubumuza göstərdiyi xidmətlərə görə təşəkkür edir, gələcək karyerasında uğurlar arzulayırıq".  ifadələrdən istifadə edilmişdir.

Bu mövsüm Adana təmsilçisi ilə 5 rəsmi matçda forma geyinən 31 yaşlı Gökhan Töre 2 qol vurub.