ABŞ Prezidenti Donald Tramp İran rəhbərliyini ikili siyasət yürütməkdə ittiham edib.

Operativ Media xəbər verir ki, Tramp sosial media hesabında paylaşdığı açıqlamada Tehranın danışıqlarla bağlı ziddiyyətli mövqe sərgilədiyini bildirib.

“İran rəhbərliyi ikili siyasət yürüdür. Onlar görüş istəyir, danışıqlar aparır, sonra isə bildirirlər ki, heç nə müzakirə olunmur və yalnız Omanla işləyirlər”, – deyə ABŞ Prezidenti qeyd edib.

Tramp əlavə edib ki, əslində tərəflər İranın onilliklər ərzində yaratdığı problemlərin həlli yollarını müzakirə edirlər.