"Sabah"ın UEFA Avropa Liqasının pley-off mərhələsindəki potensial rəqibləri bilindi

"Sabah" klubunun UEFA Avropa Liqasının pley-off mərhələsindəki potensial rəqibləri müəyyənləşib.

Operativ Media  xəbər verir ki, Azərbaycan təmsilçisi Çempionlar Liqasının III təsnifat mərhələsində Danimarka "Orhus"una məğlub olacağı təqdirdə, "Benfika" (Portuqaliya) - "Harts" (Şotlandiya) cütünün qalibi ilə üz-üzə gələcək.

Qeyd edək ki, "Bayquşlar" bir nömrəli turnirin 3-cü təsnifat mərhələsində "Orhus" səddini keçərsə, pley-off mərhələsində "Hapoel" (Beer-Sheva) - "Srvena Zvezda" cütünün qalibi ilə qarşılaşacaq.