Təzyiq yüksəldikdə ilk olaraq nə etmək lazımdır?

Mövzu ilə bağlı Operativ Media-ya hepatoloq - terapevt Sevinc Abasova danışıb.

Mütəxəssis bildirib ki, qeyd olunan əlamətlər yalnız yüksək təzyiqə xas olmadığı üçün ilk növbədə arterial təzyiq tonometrlə dəqiq ölçülməlidir. Təzyiqin yüksək olduğu təsdiqlənərsə, xəstə sakit bir vəziyyətdə əyləşməli və həyəcanlanmamalıdır.

Həkim xüsusilə xəbərdarlıq edir ki, təzyiq yüksək olduğu halda həkim məsləhəti olmadan dərman qəbul etmək və ya dozanı özbaşına dəyişmək düzgün deyil. Təzyiqin sürətlə aşağı salınmasına çalışmaq da böyük təhlükə yaradır. Çünki təzyiq kəskin düşərsə, bu da başgicəllənmə, kəskin halsızlıq və daha ciddi sağlamlıq problemlərinə səbəb ola bilər.

Ən doğru addım təzyiqi düzgün ölçmək, nəticəni qiymətləndirmək, sakitliyi saxlayaraq lazım gəldikdə dərhal mütəxəssisə müraciət etmək və ya təcili tibbi yardım çağırmaqdır.