​"İnter Mayami" klubunun hücumçusu Lionel Messi atasının vəfatı ilə əlaqədar komandadakı fəaliyyətini müvəqqəti olaraq dondurmaq qərarına gəlib.

​Operativ Media xəbər verir ki, bu barədə "DobleAmarilla" nəşri məlumat yayıb. Məlumata görə, 39 yaşlı futbolçu yaxınlarına dəstək olmaq məqsədilə hazırda Argentinada qalır və onun Birləşmiş Ştatlara nə vaxt qayıdacağı hələlik bəlli deyil.

​Atasının ölüm xəbərini alan təcrübəli hücumçu ABŞ-dəki işlərini yarıda saxlayaraq dərhal vətəninə yola düşüb. O, klubdakı oyunlarını növbəti bildirişə qədər təxirə salıb.

​Məlumata əsasən, L.Messinin 68 yaşlı atası Xorxe Messi avqustun 7-si yerli vaxtla saat 22:00-da Rozario şəhərindəki xəstəxanalardan birində dünyasını dəyişib. Avqustun 9-da mərhumun dəfn mərasimi qapalı formatda keçirilib.

​Jurnalist Fran Kasarettonun bildirdiyüne görə, ulduz futbolçu dəfn zamanı şəxsi həyatın toxunulmazlığı hüququnu pozan Argentina KİV əməkdaşlarını məhkəməyə vermək niyyətindədir.