Asiya Futbol Konfederasiyasının rəhbəri İnfantinonu dəstəkləyən Qətər federasiyasını qınadı

Asiya Futbol Konfederasiyasının rəhbəri Salman bin İbrahim Əl-Xəlifə FİFA prezidenti Canni İnfantinonu dəstəkləyən Qətər Futbol Assosiasiyasını sərt şəkildə qınayıb.

​Operativ Media-nın "Reuters" agentliyinə istinadən verdiyi məlumata görə, FİFA rəhbərinə Mərakeş, Qətər və digər dörd ərəb ölkəsinin futbol federasiyaları tərəfdar çıxıb.

​"The Times" nəşrinin yaydığı sitata görə, Əl-Xəlifə qitə daxilində həmrəyliyin son dərəcə vacib olduğunu vurğulayaraq, həmin qurumların mövqeyinin Asiya futbolunun birliyini zədələdiyini və qlobal müstəvidə maraqların müdafiəsini zəiflətdiyini bildirib.

​Xatırladaq ki, bundan əvvəl FİFA yeni kommersiya strukturundakı payların özəl investorlara satılması vasitəsilə 4,2 milyard dollar cəlb etmək niyyətində olduğunu açıqlamışdı. Lakin futbol təşkilatlarının sərt tənqidlərindən sonra qurum bu layihənin icrasından imtina etməli olub. "The Telegraph" qəzetinin məlumatına görə, baş verən bu qalmaqaldan sonra UEFA rəhbəri postunu könüllü tərk etməyəcəyi təqdirdə İnfantinoya etimadsızlıq votumu elan etməyi planlaşdırır.