"Qarabağ"ın transfer hədəfi olan Ceyms Eto üçün tələb olunan məbləğ açıqlanıb

"Qarabağ" klubunun transfer siyahısında yer alan Bolqarıstanın CSKA komandasının yarımmüdafiəçisi Ceyms Eto üçün tələb olunan qiymət məlum olub.

​Operativ Media xəbər verir ki, Bolqarıstanın "Tema Sport" nəşrinin yaydığı məlumata görө, Sofiya təmsilçisinin rəhbərliyi kamerunlu futbolçu üçün ən azı 2 000 000 avro tələb edir.

​Bildirilib ki, "qırmızı-qaralar"la müqavilə müddətinin 2028/29 mövsümünün sonunadək uzadılması klubun danışıqlardakı mövqeyini gücləndirdiyindən, Ağdam təmsilçisindən daha yüksək məbləğ tələb olunması istisna edilmir.

​Xatırladaq ki, sözügedən Bolqarıstan klubu Avropa Liqasının təsnifat mərhələsinin 2-ci raundunda "Qarabağ"ı mübarizədən kənarlaşdırmışdı (0:0, 0:0, penaltilər seriyası – 5:4). Həmin matçdakı penaltilər seriyasında həlledici zərbəni məhz Eto dəqiq yerinə yetirmişdi.