Türkiyədə mikroavtobus qəzası baş verib

Türkiyənin Sivas əyalətinin Suşehri rayonunda sərnişin mikroavtobusunun aşması nəticəsində 4 nəfər həlak olub, 10 nəfər yaralanıb.

Operativ Media xəbər verir ki, bu barədə “HaberTürk” məlumat yayıb.

Məlumata görə, qəza D-865 avtomobil yolunun Elmaseki-Çokrak kəndləri ərazisində baş verib.

Hadisə Bakı vaxtı ilə 13:30-da, mikroavtobusun sürücüsünün idarəetməni itirməsi nəticəsində baş verib.