"ABŞ Yaxın Şərqdə öz təsirini qoruyub saxlamaq üçün Qəzza zolağında atəşkəs əldə etməli və Fələstin-İsrail münaqişəsinin həlli üçün yeni yollar axtarmalıdır". 

"Operativ Media" xəbər verir ki, bunu Birləşmiş Ərəb Əmirliklərinin (BƏƏ) prezidentinin müşaviri Ənvər Qarqaş deyib.

"Əgər bu böhran davam edərsə, böhran bizi oktyabrın 7-dən əvvəl mövcud olan köhnə siyasətə qaytararsa, düşünürəm ki, Amerikanın bölgədəki rolu artıq effektiv sayılmayacaq", - Qarqaş bildirib.

Onun sözlərinə görə, ABŞ-nin münaqişənin həllində iştirakının qiymətləndirilməsi İsrailin Qəzza zolağında döyüşləri nə qədər tez dayandırmasından asılıdır: "ABŞ-nin iştirakı yalnız bu müharibəni bitirdikdə və yalnız Fələstin probleminin həlli üçün fərqli bir proses inkişaf etdirdiyimiz halda görünəcək".