Misir prezidenti Əbdülfəttah əs-Sisi və amerikalı həmkarı Co Bayden yaxın günlərdə telefon danışıqlarında Qəzza zolağında atəşkəs razılaşmasının əldə edilməsi üçün səyləri gücləndirmək barədə razılığa gəliblər.

"Operativ Media" TASS-a istinadən xəbər verir ki, dövlət başçıları Dohada keçirilən danışıqların son raundunun nəticələrini müzakirə ediblər.

Prezidentlər Qəzzada atəşkəs razılaşmasına nail olmaq üçün səylərini gücləndirəcəkləri barədə razılığa gəliblər.

Qeyd edək ki, avqustun 15-16-da Qəzzada saxlanılan girovların azad edilməsi və orada atəşkəs rejiminin tətbiqi ilə bağlı sazişin bağlanması məqsədi ilə Dohada məsləhətləşmələrin yeni mərhələsi baş tutub.