"Arsenal" "Kardiff Siti"nin 16 yaşlı futbolçusu Aksel Donçevi transfer edir

Londonun "Arsenal" klubu "Kardiff Siti"nin 16 yaşlı istedadlı futbolçusu Aksel Donçevin transferi ilə bağlı razılıq əldə edib.

​Operativ Media xəbər verir ki, tanınmış insayder Fabrizio Romanonun məlumatına görə, gənc vinger artıq Londonda tibbi müayinədən keçib və bu həftə rəsmi müqaviləyə imza atacaq.

​Qeyd edək ki, Donçev 2025-ci ilin oktyabrında EFL kubokunda meydana çıxaraq "Kardiff Siti" tarixinin ən gənc futbolçusu unvanına sahib olub.