İspan baş məşqçi "Leypsiq" ilə heç-heçədən sonra revanş oyununda doqquz hücumçu oynaya biləcəyini söylədi.
"Operativ Media" xəbər verir ki, Çempionlar Liqasının 1/8 final mərhələsinin ilk oyununda “Red Bull Arena”da “Leypsiq”lə 1:1 hesablı heç-heçə qeydə alınıb. Riyad Mahrezin qoluna 70-ci dəqiqədə baş zərbəsi ilə cavab verən Josko Qvardiol hesabı müəyyənləşdirib. Fil Foden və Julian Alvarez ehtiyat oyunçular skamyasında otursa da, Qvardiola matç boyu əvəzlənmədən imtina edib. Qarşılaşmadan sonra "Şəhərlilər"in baş məşqçisi qərarını müdafiə edərək, ikinci oyunda "dəli" formada bir düzülüş yoxlayacağını deyib.
"Beş əvəzetmə hüququm var. Bu o demək deyil ki, mən əvəzləmə etməliyəm. Gördüklərim məni çox sevindirdi. Mən Leyptsiqi uşaqlarımla birlikdə oxudum və bizə bu cür nəzarət lazım idi. Çünki "Leypsiq"də öndə 6 oyunçu oynayırdı".
"Keçidlərdə onlarla rəqabət aparacaq komandamız yoxdur. Onlar bizdən daha yaxşı və sürətlidirlər. Bu vəziyyətlərdə alman komandaları bizdən üstündür. Bizə çoxlu nəzarət lazım idi. Bəlkə də ikinci oyunda dəli olub doqquz hücumçu ilə oynamağa qərar verəcəm”.
