Abbas Əraqçi Türkiyədə səfərdədir

İranın xarici işlər naziri Abbas Əraqçi Türkiyəyə rəsmi səfər edib.

Operativ Media xəbər verir ki, bu barədə nazir sosial media hesabında paylaşım edib.

Birgünlük səfər çərçivəsində A.Əraqçinin türkiyəli həmkarı Hakan Fidanla ikitərəfli münasibətlər, həmçinin regional və beynəlxalq prosesləri müzakirə edəcəyi gözlənilir. Danışıqların əsas mövzularından birinin ABŞ-İran gərginliyi və bölgədəki son hərbi hərəkətlilik olacağı bildirilir.

Proqrama uyğun olaraq, İranın baş diplomatı Türkiyə Prezidenti Rəcəb Tayyib Ərdoğan tərəfindən də qəbul ediləcək.