Kürdəmirdə dəmir yolunun kənarında kişi meyiti tapılıb

Kürdəmir rayonu ərazisində dəmir yolunun kənarında kişi meyiti aşkarlanıb.

Operativ Media xəbər verir ki, bu barədə "Azərbaycan Dəmir Yolları" QSC (ADY) məlumat yayıb.

Bildirilib ki, bu gün səhər saatlarında Kürdəmir sahəsində hərəkətdə olan yük qatarının maşinisti yolun kənarında bir nəfər kişi meyiti aşkarlayıb. Hadisə ilə bağlı dərhal aidiyyəti üzrə məlumat verilib.

Hazırda hadisənin hansı şəraitdə baş verməsi araşdırılır.