Suriyada yenidən atəşkəs razılaşması əldə edilib
Şəfa Hüseynli
Suriya ilə YPG terror təşkilatı arasında atəşkəs və tədricən inteqrasiyanı nəzərdə tutan yeni bir razılaşma əldə edilib.
Operativ Media xəbər verir ki, bu barədə Suriya dövlət televiziyası məlumat yayıb.
Məlumata görə, razılaşmaya Suriya qüvvələri ilə YPG arasında atəşkəs və hər iki tərəfin hərbi və inzibati qüvvələrinin tədricən inteqrasiyası daxildir.
Bu kontekstdə, "sabitliyi gücləndirmək üçün təmas xəttindən hərbi qüvvələrin çıxarılması və Suriya Daxili İşlər Nazirliyinə bağlı təhlükəsizlik qüvvələrinin Haseke və Qamışlı şəhər mərkəzlərinə daxil olması" barədə razılığa gəlindiyi bildirilib.
