Suriya həbsxanalarından İraqa 950-dən çox İŞİD məhbusu köçürülüb

Rusiyada qadağan olunmuş 950-dən çox keçmiş İslam Dövləti (İŞİD) yaraqlısı Suriya həbsxanalarından İraqa köçürülüb.

Operativ Media xəbər verir ki, bu barədə "Əl-Hədəs" televiziyası məlumat yayıb.

Bildirilib ki, bu günə qədər Amerika qüvvələri Suriyadan İraqa 953 aktiv İŞİD tərəfdarını daşıyıb.

Qeyd olunur ki, artıq İraqa daşınan keçmiş İŞİD döyüşçülərinin böyük əksəriyyəti qeyri-iraqlıdır və xarici vətəndaşlığa malikdir.

Suriyadan olan ən azı 150 keçmiş İŞİD üzvünün növbəti 24 saat ərzində İraqdakı terrorçuların saxlanma yerlərinə köçürülməsi gözlənilir.