Vitkoff Dmitriyevlə danışıqları məhsuldar adlandırıb

ABŞ Prezidentinin xüsusi nümayəndəsi Stiven Vitkoff Rusiya Prezidentinin xüsusi nümayəndəsi Kirill Dmitriyevlə Florida ştatının Mayami şəhərində Ukrayna böhranının həlli ilə bağlı danışıqların məhsuldar olduğunu bildirib.

Operativ Media xəbər verir ki, bu barədə TASS məlumat yayıb.

“Bu görüş bizə Rusiyanın Ukraynada sülhün təmin edilməsi üçün çalışdığına ümid verir və biz ABŞ Prezidenti Donald Trampa güclü və davamlı sülhün tapılmasındakı həlledici roluna görə minnətdarıq”, - Vitkoff “X”də bildirib.