İran, Çin və Rusiya hərbi təlimlər keçirəcək

Hər il İran, Rusiya və Çin arasında keçirilən “Dəniz Təhlükəsizlik Kəməri” adlı hərbi təlimlər fevralın ortalarında Oman dənizi və Hind okeanının şimal hissəsində icra olunacaq.

Operativ Media xəbər verir ki, bu haqda "Tasnim" agentliyi məlumat yayıb.

Təlimlərdə İran İslam İnqilabı Keşikçiləri Korpusunun Hərbi Dəniz Qüvvələri ilə yanaşı, Çin və Rusiyanın hərbi-dəniz qüvvələri iştirak edəcək.

Qeyd edək ki, İran, Rusiya və Çin “Dəniz Təhlükəsizlik Kəməri” adı altında ilk dəfə 2019-cu ilin dekabrında olmaqla, hər il sözügedən bölgədə birgə hərbi təlimlər keçirir.