Qırğızıstan Nazirlər Kabinetinin sədri BƏƏ-yə işgüzar səfər edəcək

Birləşmiş Ərəb Əmirliklərinin vitse-prezidenti və Baş naziri, Dubay Əmirliyinin hökmdarı Şeyx Məhəmməd bin Rəşid Əl Maktumun dəvəti ilə Qırğızıstan Respublikası Nazirlər Kabinetinin sədri - Prezident Administrasiyasının rəhbəri Adilbek Kasımalıyev Dünya Hökumətləri Sammitində iştirak etmək üçün BƏƏ-yə işgüzar səfər edəcək.

Operativ Media xəbər verir ki, bu barədə Qırğızıstan Nazirlər Kabineti məlumat yayıb.

Səfər zamanı Adılbek Kasımalıyev sammitdə iştirak edəcək və BƏƏ-nin yüksək vəzifəli rəhbərliyi, bir sıra nazirliklərin və suveren sərvət fondlarının rəhbərləri ilə danışıqlar aparacaq.

Bundan əlavə, səfər zamanı BƏƏ ilə ikitərəfli sənədlərin imzalanması planlaşdırılır.