2026-cı il Nobel mükafatı laureatlarının adları 5-12 oktyabr tarixlərində Stokholm və Osloda açıqlanacaq.

Operativ Media xəbər verir ki, bu barədə Nobel Fondunun mətbuat açıqlamasında bildirilib.

Fiziologiya və ya Tibb üzrə Nobel mükafatı laureatının adı oktyabrın 5-də Karolinska İnstitutunda Nobel Komitəsi, fizika və kimya üzrə isə müvafiq olaraq oktyabrın 6-da və 7-də Kral Elmlər Akademiyasının Nobel Komitələri tərəfindən açıqlanacaq.

İsveç Akademiyası ədəbiyyat üzrə seçimini oktyabrın 8-də elan edəcək. Nobel Sülh Mükafatı laureatının adı oktyabrın 9-da Osloda Norveç Nobel Komitəsi tərəfindən açıqlanacaq.