Mərakeş daşqın təhlükəsi səbəbindən fövqəladə vəziyyət elan edib

Mərakeşin iki şimal-qərb əyalətinin - Sidi Kacem və Kenitra əyalətlərinin hakimiyyət orqanları güclü siklon və şiddətli yağışlar səbəbindən fövqəladə vəziyyət elan edib.

Operativ Media xəbər verir ki, bu barədə "Hespress" məlumat yayıb.

Bildirilib ki, Sebu çayında suyun səviyyəsinin kəskin şəkildə qalxması, eləcə də yerli El Wehda bəndindəki su anbarının tamamilə dolması səbəbindən bölgədə təxminən 15 min nəfər olmaqla 15 kəndin sakinləri təhlükəli zonadan təxliyə edilib.