ABŞ prezidenti Çin sədri ilə qarşılıqlı səfərlər planlaşdırıldığını bəyan edib

ABŞ prezidenti Donald Tramp Çin Xalq Respublikasının sədri Si Cinpinin ilin sonuna qədər Vaşinqtona səfər edəcəyini gözlədiyini bildirib.

Operativ Media xəbər verir ki, Tramp "NBC News"a verdiyi müsahibədə deyib: “Mən aprel ayında Çində olacağam, sonra isə Si Cinpin ilin sonuna qədər Ağ Evdə olacaq”.

Ağ Ev rəhbəri Çin lideri ilə yaxşı münasibətlərə malik olduğuna əminliyini ifadə edib. “Əsas məsələ ondan ibarətdir ki, mənim onunla, onun da mənimlə yaxşı münasibətləri var”, – deyə o vurğulayıb.