Gürcüstan Prezidenti Mixeil Kavelaşvili İtaliyaya səfərə gəlib.

Operativ Media xəbər verir ki, bu barədə Gürcüstan mediası məlumat yayıb.

Bildirilib ki, Kavelaşvili həyat yoldaşı Tamar Baqrationi və onu müşayiət edən nümayəndə heyəti ilə birlikdə XXV Qış Olimpiya Oyunlarının açılış mərasimində iştirak etmək üçün Milana gəlib.

Açılış mərasiminin əsas tədbiri Milandakı San Siro Olimpiya Stadionunda keçiriləcək.

Səfər çərçivəsində Gürcüstan Prezidenti XXV Qış Olimpiya Oyunlarında Gürcüstan Olimpiya nümayəndə heyəti ilə görüşəcək və fiqurlu konkisürmə üzrə komanda yarışında Gürcüstan nümayəndələrini dəstəkləyəcək.