İsveç Ukraynaya enerji dəstəyi üçün 111 milyon dollar ayıracaq

İsveç 2026-cı ildə Ukraynaya enerji dəstəyi üçün 1 milyard kron (111 milyon dollar) ayırmaq qərarına gəlib.

Operativ Media xəbər verir ki, bu barədə hökumət ofisi məlumat verib.

"Hökumət bu gün Ukraynanın enerji sektorunu dəstəkləmək üçün 1 milyard kron məbləğində yeni yardım paketini təqdim etdi. Bu dəstək ölkənin təcili enerji ehtiyaclarını ödəməyə və uzunmüddətli perspektivdə enerji təchizatını gücləndirməyə kömək edəcək". - mətbuat açıqlamasında deyilir.

Bu məbləğin 600 milyon kronu (66,6 milyon dollar) Ukrayna Enerji Dəstək Fonduna, 400 milyon kronu (44,4 milyon dollar) isə Birləşmiş Millətlər Təşkilatının İnkişaf Proqramına (BMTİP) yönəldiləcək.