Amerikalı mühəndislər Ermənistanda TRIPP marşrutunu öyrənməyə başlayıblar

ABŞ-nin texniki nümayəndə heyəti Tramp Marşrutu Layihəsi (TRIPP) üçün ərazini araşdırmaq məqsədilə Ermənistana gəlib.

Operativ Media xəbər verir ki, bu barədə ABŞ-nin Ermənistandakı səfirliyinin "Facebook" hesabında paylaşım edilib.

Bildirilib ki, mühəndislik və konsaltinq şirkəti AECOM-dan bir qrup TRIPP layihəsi üçün nəzərdə tutulmuş ərazidə tədqiqat işlərinə başlamaq üçün ölkəyə gəlib.

Məlumata görə, AECOM mütəxəssisləri Ermənistandakı dəmir yolunun və əlaqəli infrastrukturun layihələndirilməsi üçün texniki-iqtisadi əsaslandırma aparacaq və təkliflər hazırlayacaqlar.