Qazaxıstanda xarici sənətçilərin konsertləri üçün yeni tələblər tətbiq olunacaq

Qazaxıstanın mədəniyyət və informasiya nazirinin müavini Yevgeni Koçetov Qazaxıstanda çıxış edən xarici sənətçilərə tətbiq olunan məhdudiyyətlərdən danışıb.

Operativ Media xəbər verir ki, bu barədə "Kazinform" məlumat yayıb.

"Bu öhdəliklər, ilk növbədə, onun ifa etdiyi əsərlərlə bağlıdır və bu əsərlərin ölkəmizin milli nizamını pozmamasını, pornoqrafiyanı təbliğ etməməsini, narkotik istifadəsini təşviq etməməsini təmin edir. Əsasən, mövcud ola biləcək qanunsuz məzmunun bütün siyahısı budur. Bundan sonra, hər şey qaydasındadırsa, sənətçinin istənilən şəhərdə çıxış etmək hüququ var. Bizim fikrimizcə, bu, tamamilə məntiqli və düzgündür", - Koçetov Senatda keçirilən brifinqdə bildirib.