Özbəkistanda valyuta dövriyyəsi kəskin şəkildə artıb

2025-ci ildə Özbəkistanın daxili valyuta bazarının infrastrukturunda əhəmiyyətli struktur dəyişiklikləri fonunda xarici valyuta ilə bağlı əməliyyat fəaliyyətində artım müşahidə olunub.

Operativ Media xəbər verir ki, bu barədə Özbəkistan Mərkəzi Bankı məlumat yayıb.

Bildirilib ki, 2025-ci ilin sonunda Özbəkistanın daxili valyuta bazarında xarici valyuta ilə bağlı əməliyyatların həcmi əhəmiyyətli dərəcədə artıb. Xüsusilə, fiziki şəxslər kommersiya banklarına 21,7 milyard dollar satıblar ki, bu da 2024-cü illə müqayisədə 1,3 dəfə çoxdur.