Litva Ukraynaya elektrik generatorları üçün 50 min avro ayırıb

Litva bələdiyyələri Ukraynaya elektrik generatorları almaq üçün öz resurslarından vəsait ayırıblar.

Operativ Media xəbər verir ki, bu barədə Baltikyanı Respublikaların Yerli Özünüidarəetmə Assosiasiyası məlumat verib.

Assosiasiyanın prezidenti Audrius Klisonys açıqlamasında bildirib ki, "Assosiasiyanın idarə heyətinin qərarı ilə Ukraynada elektrik generatorları üçün 50.000 avro ayrılıb. Bu vəsaitlər göstərdiyimiz davamlı yardımın bir hissəsidir".

O qeyd etdi ki, ukraynalı tərəfdaşlar bunun daimi xarakterindən xəbərdardırlar və bu cür maliyyə dəstəyinin davam edəcəyinə əmindirlər.