Fransada qumbara partlayışı nəticəsində altı nəfər xəsarət alıb

Fransanın cənub-şərqində yerləşən Qrenobl şəhərindəki bir gözəllik salonunda qumbara partlayışı baş verib, nəticədə altı nəfər xəsarət alıb.

Operativ Media bu barədə xarici KİV-ə istinadən xəbər verir.

“Qrenoblun mərkəzindəki gözəllik salonunda qumbara partlayışı nəticəsində altı nəfər yaralanıb”, – məlumatda bildirilib.

Qumbaranın salonun içinə bir kişi tərəfindən atıldığı, həmin şəxsin isə hadisədən sonra qaçdığı bildirilir.

Partlayış salonun vitrininə ciddi ziyan vurub, yaralılardan biri isə 5 yaşlı uşaq olub.

Hadisənin digər təfərrüatları hələ açıqlanmayıb.