ABŞ yaxın gələcəkdə BMT büdcəsinə ödəniş edəcək.

Operativ Media xəbər verir ki, bu barədə "Reuters" məlumat yayıb.

ABŞ-nin BMT-dəki daimi nümayəndəsi Mayk Uolts 2025-ci ilin noyabr ayında ABŞ administrasiyasının təşkilatda islahatları gözlənildiyi üçün BMT-yə ödənişləri dayandırdığını bildirmişdi.

“Mən ilk vəsait tranşının çox tezliklə köçürüləcəyini gözləyirəm. Düşünmürəm ki, son məbləğ müəyyən edilib, amma bu, bir neçə həftə ərzində ediləcək”. - Uolts qeyd edib.

Fevralın əvvəlinə olan məlumata görə, ABŞ-nin BMT-nin büdcəsinə töhfələr borcu təxminən 2,19 milyard dollar təşkil edib ki, bu da bütün BMT ölkələrinin ümumi borclarının 95 faizini təşkil edir.