Kubada güclü zəlzələ olub

Kuba sahillərində 5,5 maqnitudalı zəlzələ qeydə alınıb.

Operativ Media xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Bildirilib ki, yeraltı təkanların episentri təxminən 300 min nəfər əhalisi olan Quantanamo şəhərindən 90 kilometr şərqdə yerləşib.

Zəlzələ ocağı 15 kilometr dərinlikdə olub.

Dağıntılar və xəsarət alanlar barədə hələlik məlumat daxil olmayıb.