Livanın şimalında binanın çökməsi nəticəsində ölənlərin sayı 14 nəfərə çatıb

Livanın şimalındakı Tripoli şəhərində beşmərtəbəli yaşayış binasının çökməsi nəticəsində ən azı 14 nəfər həlak olub.

Operativ Media xəbər verir ki, bu barədə ölkənin Mülki Müdafiə rəisi general İmad Xreyş açıqlamada bildirib.

O qeyd edib ki, "8 fevralda yaşayış binasının uçduğu Bab Tabbanah məhəlləsində axtarış-xilasetmə əməliyyatı ağır tikinti texnikasından istifadə edilməklə gecə boyu davam edib. İndiyə qədər dağıntılar altından 14 nəfərin cəsədi tapılıb. Daha səkkiz nəfər sağ çıxarılıb və müalicə üçün xəstəxanaya göndərilib."