Sloveniyada yüksək səmərəli kompüterlərlə təchiz olunmuş "Sloveniya Süni İntellekt Fabriki" açılıb.

Operativ Media xəbər verir ki, bu barədə Sloveniya Radio və Televiziya (RTV) şirkəti məlumat yayıb.

Bildirilib ki, fabrikin açılışını Sloveniyanın Baş naziri Robert Qolob edib.

Qolob fabrikdəki superkompüterin yalnız elm adamları üçün deyil, həm də sənaye və iqtisadiyyat da daxil olmaqla bir çox sektor üçün açıq olacağını vurğulayıb.

Həmçinin fabrik daxilində yaradılacaq milli generativ süni intellekt platforması vasitəsilə vətəndaşlara çıxış imkanı təmin etmək variantı nəzərdən keçirilir.