Qırğızıstan və Finlandiya regionlararası əməkdaşlığı müzakirə ediblər

Qırğızıstan və Finlandiya Xarici İşlər Nazirlikləri Bişkekdə siyasi məsləhətləşmələr keçiriblər.

Operativ Media xəbər verir ki, bu barədə Qırğızıstan Xarici İşlər Nazirliyi məlumat yayıb.

Tərəflər Qırğızıstan-Finlandiya münasibətlərinin qarşılıqlı faydalı və konstruktiv xarakter daşıdığını qeyd edərək, siyasi, ticarət-iqtisadi, investisiya, mədəni və humanitar əməkdaşlığın daha da dərinləşdirilməsində qarşılıqlı maraqlarını ifadə ediblər.

Məsləhətləşmələr zamanı regionlararası əməkdaşlıq məsələləri, o cümlədən "Mərkəzi Asiya-Şimali Avropa (C5+N5)" dialoqunun inkişafı müzakirə olunub. BMT, ATƏT və Avropa İttifaqı çərçivəsində çoxtərəfli əməkdaşlığın aktual məsələləri ətrafında fikir mübadiləsi aparılıb.