Meksika ABŞ ticarət tarifləri təhlükəsi səbəbindən Kubaya neft tədarükünü müvəqqəti olaraq dayandırıb, lakin adaya humanitar yardım göstərməyə davam edəcək.

Operativ Media xəbər verir ki, bu barədə Meksika Prezidenti Klaudiya Şeynbaum bildirib.

O, neft daşınmalarının hazırda dayandırıldığını bildirib.

"Meksika üçün mənfi nəticələrdən qaçınmaq üçün çalışırıq", - deyə dövlət başçısı qeyd edib.

O, Vaşinqtonun adaya yanacaq tədarük edən ölkələrə tarif tətbiq edən bir fərman verdiyini aydınlaşdırıb. Onun sözlərinə görə, Mexiko şəhəri Havananı Amerika məhdudiyyətləri altına düşmədən dəstəkləməyin yolunu tapmaq üçün diplomatik şəkildə çalışır.